விடுகதை - வாய்மொழி இலக்கியம்

(இணையத்தில் இருந்து சேகரித்துத் தொகுத்தவை. இவற்றில் சிலவற்றுக்கு விடை தெரியவில்லை. தெரிந்தால் தந்து இந்தத் தொகுப்பு முழுமையடையச் செய்யவும். இன்னும் விடுகதைகள் கிடைக்கும் போதெல்லாம் தொகுத்து வெளியிடுவேன். உங்களுக்கு தெரிந்தவற்றையும் நேரமிருப்பின் பகிரவும். நன்றி)

ஒருவரின் நுண்ணறிவை ஒருவர் அறிவதற்கு எழுப்புகின்ற புதிர்களே விடுகதைகள் எனப்படும். ஏட்டில் எழுதப்பெறாத இலக்கியம் என்று விடுகதைகளைக் கூறலாம். குழந்தைகள் முதல் பெரியவர்கள் வரை எல்லோரும் விடுகதைகள் போடுவதைக் காணலாம்.இதனை வாய்மொழி இலக்கியம் என்றும் கூறுவார்கள்.

பொதுவாக விடுகதைகள் இரண்டு வகையாக அமைந்துள்ளன. ஒன்று கவிதை நடையில் அமைந்துள்ளவை; மற்றொன்று உரைநடையில் அமைந்தவை. மக்களின் சிந்தனைத் திறனையும் கற்பனைத் திறனையும் விடுகதைகள் பெரிய அளவில் காட்டுகின்றன.சில விடுகதைகள் எதுகை மோனையுடன் அழகான சொல்லாட்சி பெற்று விளங்குகின்றன.

எல்லாக் காலங்களிலும் சிறியவர் முதல் பெரியவர் வரை எல்லோரும் கேட்டின்புறும் வகையில் அமைந்திருப்பது விடுகதைகள் ஆகும். குழந்தைகள் இருக்கும் வீட்டில், ஓய்வு நேரத்தில் விளையாட்டாக விடுகதை போட்டுப் பாருங்களேன்...ஒரே மகிழ்ச்சியலை எழும்பும். வேடிக்கை என்ன வென்றால் ...நாம் போட்ட விடுகதைகளை பிறகு வீட்டிற்கு வருபரையெல்லாம் பார்த்து குழந்தைகள் மழலை மொழியில் 'அது என்ன ?...அது என்ன? ' என்று கேட்கும் விதமே தனி அழகு!

No	விடுகதை	No	விடை
1	முத்துக்கள் இருக்கும். ஆனால் யாருமே பிரமிக்க மாட்டார்கள். அது என்ன?	1	வெண்டைக்காய்
2	வெளிச்சத்துடன் வருவான். இருட்டில் வரமாட்டான். அவன் யார்?	2	நிழல்
3	ஒட்டியவன் ஒருத்தன், பிரித்தவன் இன்னொருவன். அது என்ன?	3	கடிதம்
4	பட்டுப்பை நிறைய பவுண் காசு அது என்ன?	4	மிளகாய்
5	இமைக்காமல் இருந்தால் எட்டிப் பார்ப்பான். அவன் யார்?	5	கண்ணீர்
6	கண்ணுக்குத் தெரியாதவன்; உயிருக்கு உகந்தவன். அவன் யார்?	6	காற்று
7	தலையைச் சீவினால் தாளிலே மேய்வான். அவன் யார்?	7	பென்சில்
8	சுற்றுவது தெரியாது; ஆனால் சுற்றிக் கொண்டிருப்பான். அவன் யார்?	8	பூமி
9	வெள்ளை மாளிகையில் மஞ்சள் புதையல், அது என்ன?	9	முட்டை
10	கழற்றிய சட்டையை மறுபடியும் போடமாட்டான். அவன் யார்?	10	பாம்பு
11	அள்ள அள்ளக் குறையாது; ஆனால் குடிக்க உதவாது. அது என்ன?	11	கடல்நீர்
12	முள்ளுக்குள்ளே முத்துக்குவலயம். அது என்ன?	12	பலாப்பழம்
13	உரசினால் உயிரை விடுவான். அவன் யார்?	13	தீக்குச்சி
14	அள்ளும் போது சலசலக்கும் கிள்ளும் போது கண் கலங்கும் அது என்ன?	14	வெங்காயம்
15	வாயைப் பிளந்து வீதியோரங்களில் நிற்பான் அவன் யார்?	15	தபாற் பெட்டி,
16	முக்கண்ணன் சந்தைக்குப் போகின்றான் அவன் யார்?	16	தேங்காய்,
17	மீன் பிடிக்கத் தெரியாதாம் ஆனால் வலை பின்னுவானாம் அவன் யார்?	17	சிலந்தி,
18	தொடலாம் ஆனால் பிடிக்க முடியாது அது என்ன?	18	தண்ணீர்,
19	உணவை எடுப்பான் ஆனால் உண்ணமாட்டான் அவன் யார்?	19	அகப்பை,
20	வெள்ளம் வெள்ளமாக கறுப்பன் கண்ணீர் விட்டானாம் அவன் யார்?	20	மழை மேகம்,
21	ஒற்றை கிண்ணத்துக்குள் இரட்டைத் தைலங்கள் அவை எவை?	21	முட்டை.
22	காலில் தண்ணீர் குடிப்பான், தலையில் முட்டையிடுவான் அவன் யார்?	22	தென்னைமரம்
23	எட்டாத ராணி இரவில் வருவாள். பகலில் மறைவாள் அவள் யார்?	23	நிலா
24	நடந்தவன் நின்றான். கத்தியை எடுத்து தலையைச் சீவினேன். மறுபடி நடந்தான். அவன் யார்?	24	பென்சில்
25	வால் நீண்ட குருவிக்கு வாயுண்டு. வயிறில்லை. அது என்ன?	25	அகப்பை
26	அம்மா போடும் வட்டம்,பளபளக்கும் வட்டம்,சுவையைக் கூட்டும் வட்டம். சுட்டுத் தின்ன இஷ்டம். அது என்ன?	26	அப்பளம்
27	வெள்ளை ஆளுக்கு கறுப்புத் தலைப்பாகை. அது என்ன?	27	தீக்குச்சி
28	ஓடையில் ஓடாத நீர், ஒருவரும் குடிக்காத நீர். அது என்ன?	28	கண்ணீர்
29	சலசலவென சத்தம் போடுவான், சமயத்தில் தாகம் தீர்ப்பான். அவன் யார்?	29	அருவி
30	தொடாமல் அழுவான், தொட்டால் பேசுவான். அவன் யார்?	30	தொலைபேசி
31	வீட்டுக்கு வந்த விருந்தாளியை வரவேற்க ஆளில்லை. அது என்ன?	31	செருப்பு
32	ஓயாமல் இரையும் இயந்திரமல்ல, உருண்டோடி வரும் பந்தும் அல்ல அது என்ன?	32	கடல்
33	சிறு தூசி விழுந்ததும் குளமே கலங்கியது அது என்ன?	33	கண்
34	மரத்துக்கு மரம் தாவுவான் குரங்கல்ல, பட்டை போட்டிருப்பான் சாமி அல்ல, அவன் யார்?	34	அணில்
35	அடிக்காத பிள்ளை அலறித் துடிக்கும், அது என்ன?	35	சங்கு
36	அக்கா விதைத்த முத்து, அள்ள முடியாத முத்து, அது என்ன?	36	கோலம்
37	வீட்டிலிருப்பான் காவலாளி, வெளியில் சுற்றுவான் அவன் கூட்டாளி, அவர்கள் யார்?	37	பூட்டும் சாவியும்
38	எத்தனை தரம் சுற்றினாலும் தலை சுற்றாது, அது என்ன?	38	மின்விசிறி
39	உயிரில்லாதவனுக்கு உடம்பெல்லாம் நரம்பு, அது என்ன?	39	பாய்
40	உருவத்தில் சிறியவன் உழைப்பில் பெரியவன், அவன் யார்?	40	எறும்பு
41	மழை காலத்தில் குடை பிடிப்பான், அவன் யார்?	41	காளான்
42	வடிவழகு மாப்பிள்ளை வயிற்றால் நடக்கிறார். அவர் யார்?	42	பாம்பு
43	யாரும் செய்யாத கதவு தானே திறக்கும் தானே மூடும். அது என்ன?	43	கண் இமை
44	வளைந்து நெளிந்து செல்பவள் வழியெங்கும் தாகம் தீர்ப்பாள் அவள் யார்?	44	ஆறு அல்லது அருவி
45	அடிக்காமல்,திட்டாமல் கண்ணீரை வரவழைப்பாள் அவள் யார்?	45	வெங்காயம்
46	வளைஞ்சு நெளிஞ்சு ஆடும் தண்ணீர் குடித்தால் சாகும் அது என்ன?	46	நெருப்பு
47	வெள்ளை ராஜாவுக்கு கறுப்பு உடை அது என்ன?	47	உழுந்து
48	தொட்டுப் பார்க்கலாம் எட்டிப் பார்க்கமுடியாது அது என்ன?	48	முதுகு
49	மாமா போட்ட பந்தல் மறுபடி பிரிச்சா கந்தல் அது என்ன?	49	சிலந்தி வலை
50	முறையின்றித் தொட்டால்,ஒட்டிக் கொண்டு உயிரை எடுப்பான் அவன் யார்?	50	மின்சாரம்
51	நூல் நூற்கும் நெசவாளிக்கு கட்டிக்கொள்ள துணியில்லை அது என்ன?	51	சிலந்திவலை
52	நடக்கவும் மாட்டேன், நகராமல் இருக்கவும் மாட்டேன் நான் யார்?	52	மணிக்கூடு
53	காலையிலும் மாலையிலும் நெட்டை மதியம் குட்டை நான் யார்?	53	நிழல் அல்லது விம்பம்
54	பற்கள் இருக்கும் கடிக்கமாட்டான் அவன் யார்?	54	சீப்பு
55	வெள்ளை மாளிகை உள்ளே செல்ல வாசல் இல்லை அது என்ன?	55	முட்டை
56	ஐந்து வீட்டிற்க்கு ஒரு முற்றம் அது என்ன?	56	உள்ளங்கையும் விரல்களும்
57	தொப்பொன்று விழுந்தான் தொப்பி கழன்றான் அவன் யார்?	57	பனம்பழம்
58	சட்டையைக் கழற்றினால் சத்துணவு அது என்ன?	58	வாழைப்பழம்
59	பட்டுப்பை நிறைய பவுண் காசு அது என்ன?	59	வத்தல் மிளகாய்
60	அடிக்காத பிள்ளை அலறித் துடிக்குது. அது என்ன?	60	சங்கு
61	தட்டச் சீறும் அது என்ன?	61	தீக்குச்சி
62	உரிச்ச புறா சந்தைக்குப் போகுது அது என்ன?	62	தேங்காய்
63	நீளவால் குதிரையின் வால் ஓடஓடக் குறையும் அது என்ன?	63	தையல் ஊசியும் நூலும்
64	உருவத்தில் சிறியவன் உழைப்பில் பெரியவன் அவன் யார்?	64	எறும்பு
65	கண்ணால் பார்க்கலாம் கையால் பிடிக்கமுடியாது அது என்ன?	65	நிழல்
66	முதுகிலே சுமை தூக்கி முனகாமல் அசைந்து வரும் அது என்ன?	66	நத்தை
67	ஓயாது இரையும் இயந்திரம் அல்ல.உருண்டோடி வரும் பந்தும் அல்ல அது என்ன?	67	கடல் அலை
68	வயதான பலருக்கு புதிதாக ஒரு கை அது என்ன?	68	வழுக்கை / பொக்கை
69	தலையைச் சீவினால் தாளில் நடப்பான் அவன் யார்?	69	பென்சில்
70	கல்லில் காய்க்கும்பூ தண்ணீரில் மலரும்பூ, அது என்ன பூ?	70	சுண்ணாம்பு
71	காற்றைக் குடித்து காற்றில் பறப்பான், அவன் யார்?	71	பலூன்
72	பச்சை நிற அழகிக்கு உதட்டுச் சாயம் பூசாமலே சிவந்தவாய் அவள் யார்?	72	கிளி
73	அம்மா படுத்திருக்க மகள் ஓடித்திரிவாள் அது என்ன?	73	அம்மி குளவி
74	கன்று நிற்க கயிறு மேயுது அது என்ன?	74	பூசனிக்கொடி
75	கசக்கிப் பிழிந்தாலும் கடைசிவரை இனிப்பான். அவன் யார்?	75	கரும்பு
76	பிடுங்கலாம் நடமுடியாது அது என்ன?	76	தலைமுடி
77	வாலால் நீர் குடிக்கும்,வாயால் பூச்சொரியும் அது என்ன?	77	விளக்கு
78	நன்றிக்கு வால் கோபத்துக்கு வாய் அது என்ன?	78	நாய்
79	உயரத்தில் இருப்பிடம்.தாகம் தீர்ப்பதில் தனியிடம் அது என்ன?	79	இளநீர்
80	தலையில் கீரீடம் வைத்த தங்கப்பழம் அது என்ன?	80	அன்னாசிப்பழம்
81	அடித்தாலும், உதைத்தாலும் அவன் அழ மாட்டான், அவன் யார்?	81	பந்து
82	காகிதம் கண்டால் கண்ணீர் விடும்,முக்காடு போட்டால் மூலையில் அமரும் அது என்ன?	82	பேனா
83	ஓயாது இரையும் எந்திரமல்ல, உருண்டோடி வரும் பந்துமல்ல, அது என்ன?	83	கடல் அலை
84	தலையை வெட்ட வெட்ட கறுப்பு நாக்கை நீட்டுவது அது என்ன?	84	பென்சில்
85	வாயிலே தோன்றி வாயிலே மறையும் பூ. அது என்ன?	85	சிரிப்பு
86	முயல் புகாத காடு எது?	86	முக்காடு
87	வீட்டுக்கு வந்த தொந்தியப்பன் தினமும் கரைகிறான். அவன் யார்?	87	நாட்காட்டி
88	நூறு கிளிக்கு ஒரே வாய். அது என்ன?	88	வாழைப்பூ
89	ஒட்டுத் திண்ணையில் பட்டுப் பாவாடை அது என்ன?	89	தோடு
90	பெட்டியைத் திறந்தால் பூட்ட முடியாது. அது என்ன?	90	தேங்காய்
91	எட்டுக்கால் ஊன்றி இருகால் படமெடுக்க வட்டக் குடைபிடித்து வாறாராம் வன்னியப்பு அது என்ன?	91	நண்டு
92	படபடக்கும்,பளபளக்கும் மனதுக்குள் இடம் பிடிக்கும் அது என்ன?	92	பட்டாசு
93	சங்கீதம் பாடுபவனுக்கு சாப்பாடு இரத்தம் அது என்ன?	93	கொசு / நுளம்பு
94	கந்தல் துணிக்காரி முத்துப் பிள்ளைகள் பெற்றாள் அவள் யார்?	94	சோளப்பொத்தி
95	மரத்திற்கு மேலே பழம், பழத்திற்கு மேலே மரம் அது என்ன?	95	அன்னாசிப்பழம்
96	ஊசி நுழையாத கிணற்றிலே ஒரு படி தண்ணீர்?	96	தேங்காய்
97	நாளெல்லாம் நடந்தாலும் நாற்பதடி செல்லாது அந்த நாயகனுக்கோ உடல் மேல் கவசம் அது என்ன?	97	நத்தை
98	ஏரியில் இல்லாத நீர்,தாகத்திற்கு உதவாத நீர், தண்ணீர் அல்ல அது என்ன?	98	கண்ணீர்
99	கண்ணீர் விட்டு வெளிச்சம் தருவாள் அவள் யார்?	99	மெழுகுத்திரிவத்தி
100	தலைக்குள் கண் வைத்திருப்பவன் இவன் மட்டும்தான் அவன் யார்?	100	நுங்கு
101	ஓர் அரண்மனையில் முப்பத்திரெண்டு காவலர்கள் அது என்ன?	101	பற்கள்
102	ஆழக் குழி தோண்டி அதிலே ஒரு முட்டையிட்டு அண்ணாந்து பார்த்தால் தொண்ணூறு முட்டை	102	தென்னை மரம்
103	அம்மா சேலையை மடிக்க முடியாது, அப்பா காசை எண்ண முடியாது.	103	வானம் நட்சத்திரம்
104	வெள்ளிக் கிண்ணத்தில் தங்க காசு	104	முட்டை
105	குண்டுச்சட்டியில குதிரை ஓட்டறான்.	105	ஆட்டுக்கல்
106	வெள்ளி ஓடையில கருப்பு மீனு துள்ளி விளையாடுது.	106	கண்
107	டாக்டர் வந்தாரு, ஊசி போட்டாரு, காசு வாங்காமல் போனாரு.	107	கொசு
108	மழையில் பூக்கும் பூ	108	குடை
109	ஊரெல்லாம் சுத்துவான், ஆனால் வீட்டிற்குள் வரமாட்டான்.	109	செருப்பு
110	ஒரு குகை, 32 வீரர்கள் , ஒரு நாகம்	110	வாய்
111	வெள்ளிக் கிணத்துல தண்ணி	111	தேங்காய்
112	முத்து வீட்டுக்குள்ளே தட்டுப் பலகை அது என்ன?	112	நாக்கு
113	அழுவேன்,சிரிப்பேன் அனைத்தும் செய்வேன் நான் யார்?	113	முகம் பார்க்கும் கண்ணாடி
114	கடல் நீரில் வளர்ந்து,மழை நீரில் மடிவது என்ன?	114	உப்பு
115	வெளிச்சத்தில் பிடிபட்டவனுக்கு இருட்டில் விடுதலை அவன் யார்?	115	போட்டோ
116	விரல் இல்லாமலே ஒரு கை. அது என்ன?	116	உலக்கை
117	குரல் இல்லாதவன் கூப்பிடுகிறான் அவன் யார்?	117	தொலைபேசி
118	அம்மா சப்பை, மகள் உருண்டை அது என்ன?	118	அம்மி, குழவி
119	தாய் குப்பையிலே, மகள் சந்தையிலே அவை என்ன?	119	நெல்
120	நனைந்தாலும் நடுங்க மாட்டான் அவன் யார்?	120	குடை
121	பார்க்க முடியும் நூல்,தைக்க முடியா நூல், அது என்ன நூல்?	121	சிலந்தி வலை
122	கண்ணும் காதும் ஒன்றாவான்; கழுத்தும் தலையும் ஒன்றாவான். அவன் யார்?	122	பாம்பு
123	நான்கு கால்கள் உள்ளவன்; இரண்டு கைகள் உள்ளவன். உட்கார்ந்து கொண்டிருப்பான்; உட்கார இடம் கொடுப்பான். அவன் யார்?	123	நாற்காலி
124	தண்ணீரில் பிறப்பான்; தண்ணீரில் இறப்பான். அவன் யார்?	124	உப்பு
125	பஞ்சு மெத்தை மஞ்சம் போட்டு வச்சிருக்கு; படுத்துத் தூங்கத்தான் ஆளில்லாமல் இருக்கு. அது என்ன?	125	மேகம்
126	தண்ணீர் கடல் மேலே தாம்பாளத் தட்டு மிதக்குது. அது என்ன?	126	நிலா
127	மரத்தின் மேலே தொங்குது மலைப் பாம்பல்ல. அது என்ன?	127	விழுது
128	நீரில் நனைத்தாலும் நீளம், அகலம் குறையாது. அது என்ன?	128	துணி
129	முத்தான முத்துகள் முற்றத்திலே காயுது; படி போட்டு அளக்கத்தான் ஆளில்லை. அது என்ன?	129	நட்சத்திரங்கள்
130	பழுத்திருக்கும் பழமாம்; யாரும் பறிக்காத பழமாம். அது என்ன?	130	நிலா
131	அரசன் ஆளாத கோட்டைக்கு பகல் காவல்காரன் ஒருவன்; இரவுக் காவல்காரன் ஒருவன். அவர்கள் யார்?	131	சூரியன், சந்திரன்.
132	பேச்சுக் கேட்குது பேசுபவர் தெரியவில்லை. அது என்ன?	132	வானொலிப் பெட்டி
133	உடைப்பு இல்லா ஏரியில் உள்ள தண்ணீர் ஒழுகுது. அது என்ன?	133	மழை
134	வெள்ளத்தில் போகாது; வெந்தணலில் வேகாது. கொள்ளையடிக்க முடியாது; கொடுத்தாலும் குறையாது. அது என்ன?	134	கல்வி
135	குடிக்காத தண்ணீர் குடத்துக்குள்ளே கிடக்குது. அது என்ன?	135	தேங்காய்
136	நான் பார்த்தால் அவன் பார்ப்பான்; நான் சிரித்தால் அவன் சிரிப்பான். அவன் யார்?	136	முகம் பார்க்கும் கண்ணாடி
137	ஓலை வீட்டில் குடியிருப்பாள்; உண்ணாமல் தவமிருப்பாள். வாடகையும் தரமாட்டாள்; வீட்டைக் காலியும் செய்ய மாட்டாள். அவள் யார்?	137	ஓலைச் சுவடியில் செய்யுள்
138	வாயில்லாத குருவி வண்ண இசை பாடுது. அது என்ன?	138	வீணை
139	பொன்னு விளையும் பூமி. அது என்ன?	139	தங்கச்சுரங்கம்
140	தட்டு நிறைய லட்டு; தாய் திண்ண முடியலே. அது என்ன?	140	முட்டை மேல் அடைகாக்கும் கோழி
141	சின்னத் தம்பிக்கு தொப்பியே வினை? அது என்ன?	141	தீக்குச்சி
142	தலை மட்டும் கொண்‌ட சிறகில்லாத பறவை தேசமெல்லாம் சுத்தும்?	142	தபால் தலை
143	உலகமெங்கும் படுக்கை விரித்தும் உறங்காமல் அலைகிறான். அவன் யார்?	143	கடல் அலை
144	காற்று வீசும் அழகான மரம் அது என்ன?	144	சாமரம்
145	கட்டிய சேலையை அவிழ்க்க நினைத்தால் கண்ணீரும் கம்பலையும்தான்.	145	வெங்காயம்
146	எப்போதும் காதருகில் ரகசியம் பேசிக் கொண்டிருப்பவள்?	146	செல்பேசி
147	உணவை எடுப்பான் ஆனால் உண்ணமாட்டான் அவன் யார்?	147	அகப்பை
148	ஒற்றை கிண்ணத்துக்குள் இரட்டைத் தைலங்கள் அவை எவை?	148	முட்டை.
149	ஒட்டியவன் ஒருத்தன், பிரித்தவன் இன்னொருவன். அது என்ன?	149	கடிதம்
150	வெள்ளத்தில் போகாது, வெந்தணலில் வேகாது. கொள்ளையடிக்க முடியாது, கொடுத்தாலும் குறையாது. அது என்ன?	150	கல்வி
151	பொட்டுப்போல் இலை இருக்கும், பொரிபோல் பூப் பூக்கும், தின்னக்காய் காய்க்கும், தின்னாப் பழம் பழுக்கும் அது என்ன?	151	முருங்கைமரம்
152	தண்ணீரில் பிறப்பான்; தண்ணீரில் இறப்பான். அவன் யார்?	152	உப்பு
153	குண்டு குள்ளனுக்கு குடுமி நிமிர்ந்தே இருக்கும் அவன் யார்?	153	கத்தரிக்காய்
154	காற்று நுழைந்ததும் கானம் பாடுகிறான். அவன் யார்?	154	புல்லாங்குழல்.
155	ஓட்டம் நின்றால் போதும் ஆட்டம் நின்று போகும். அது என்ன?	155	ரத்தம்
156	தனித்து உண்ணமுடியாது என்றாலும் இது சேர்த்தால்தான் உணவுக்கு சுவை. அது என்ன?	156	உப்பு
157	வெட்டிக்கொள்வான் ஆனாலும் ஒட்டிக்கொள்வான் அவன் யார்?	157	கத்தரிக்கோல்
158	ஓடியாடி வேலை செய்தபின் மூலையில் ஒதுங்கிக்கிடப்பாள் அவள் யார்?	158	துடைப்பம்/தும்புத்தடி
159	ஏற்றி வைத்து அணைத்தால் எரியும் வரை மணக்கும் அது என்ன?	159	ஊதுபத்தி
160	மூன்றெழுத்துப் பெயராகும். முற்றும் வெள்ளை நிறமாகும் அது என்ன?	160	பஞ்சு
161	தொட்டால் மணக்கும், சுவைத்தால் புளிக்கும். அது என்ன?	161	எலுமிச்சம்பழம் தேசிக்காய்
162	எவர் கையிலும் சிக்காத கல் எங்கும் விற்காத கல், அது என்ன?	162	விக்கல்
163	அகத்தில் அகம் சிறந்த அகம். அது என்ன அகம் ?	163	புத்தகம்
164	வானத்துக்கும் பூமிக்கும் ஒரே கம்பி அது என்ன ?	164	மழை
165	குட்டைப் பெண்ணுக்குப் பட்டுப் புடவை. அது என்ன ?	165	வெங்காயம்
166	ஆயிரம் தச்சர் கூடி அழகான மண்டபம் கட்டி ஒருவன் கண்பட்டு உடைந்ததாம் மண்டபம். அது என்ன ?	166	தேன்கூடு
167	சிவப்பு பைக்குள் சில்லறை கொட்டிக் கிடக்குது? அது என்ன?	167	காய்ந்த சிவப்பு மிளகாய்
168	ஆயிரம் தச்சர் கூடி, அழகான மண்டபம் கட்டி, ஒருவன் கண்பட்டு, உடைந்ததாம் மண்டபம். அது என்ன?	168	தேன்கூடு
169	பிறக்கும்போது வால் உண்டு இறக்கும்போது வால் இல்லை அது என்ன?	169	தவளை
170	எங்க வீட்டு கிணத்துல வெள்ளி கிண்ணம், மிதக்குது, அது என்ன?	170	நிலா
171	ஆயிரம் தச்சர் கூடி அமைந்த மண்டபம், ஒருவர் கண்பட்டு உடைந்தது, அது என்ன?	171	தேன் கூடு
172	கருப்பு சட்டை காரன் காவலுக்கு கெட்டிகாரன் அது என்ன?	172	பூட்டு
173	கெணத்த சுத்தி அகத்தி கீரை அது என்ன?	173	கண்
174	இடி இடிக்கும், மின்னல் மின்னும், மழை பெய்யாது அது என்ன?	174	பட்டாசு
175	இதை சமைக்கும் முன் வெளியெ இருப்பதை எறிந்துவிடுவோம், சமைத்து வெளி இருப்பதை சாப்பிட்டு உள் இருப்பதை எறிந்துவிடுவோம். அது என்ன?	175	பலாப்பழம், மக்கா சோளம்.
176	செய்வதைச் செய்வான்; சொன்னதைச் செய்யான். அவன் யார்?	176	கண்ணாடி
177	பட்டணத்தில் இருந்து இரண்டு சிறாய் கொண்டு வந்தேன்; ஒன்று எரியுது; இன்னொன்று புகையுது. அது என்ன?	177	கற்பூரம்,சாம்பிராணி
178	உயிர் இல்லாத நீதிபதி ஒழுங்காக நியாயம் சொல்வார் அது என்ன?	178	தராசு
179	படுத்துத் தூங்கினால் கண்முன் ஆடும்; அடுத்து விழித்தால் மறைந்தே ஓடும். அது என்ன?	179	கனவு
180	கால் இல்லை; ஓட்டம் உண்டு, மூச்சு இல்லை; காற்று உண்டு. அது என்ன?	180	பந்து
181	பிறக்கும் போது வால் உண்டு;இறக்கும் போது வால் இல்லை. அது என்ன?	181	தவளை
182	இலையுண்டு; கிளையில்லை,பூ உண்டு; மணமில்லை,காய் உண்டு; விதையில்லை,பட்டை உண்டு, கட்டை இல்லை,கன்று உண்டு; பசு இல்லை அது என்ன?	182	வாழை
183	அதட்டுவான்; அலறுவான் ஆனால் கோட்டையை விட்டு வரமாட்டான். அவன் யார்?	183	நாக்கு
184	விடிந்தவுடனே வேலையில் இறங்குவான்; வேலை இல்லையேல் மூலையில் கிடப்பான். அவன் யார்?	184	விளக்குமாறு
185	தான் இருந்தால் பிறரை இருக்கவிட மாட்டான். அவன் யார்?	185	ஓட்டை
186	தன் மேனி முழுதும் கண்ணுடையாள்; தன்னிடம் சிக்கியபேரைச் சீரழிப்பாள். அவள் யார்?	186	மீன் வலை
187	வீட்டிலே இருக்கிற அண்டாவுக்கு காதும் இல்லை: மூடியும் இல்லை. அது என்ன ?	187	கிணறு
188	முதலெழுத்தில் கவிதை முதலிரண்டால் உலகம் மொத்தத்தின் இடை மெலிந்தாலும் முதலும் கடைசியும் சேர்ந்தாலும் தையல், கண்ணிலும் உண்டு	188	பார்வை
189	வாலும் தலையும் ஒன்று உடல் ரங்கூனில் உண்டு ஸ்ரீ ரங்கத்திலும் உண்டு ஆனால் தில்லையில் இல்லை குத்தூசியில் தலை உண்டு மத்தியில் இல்லை மொத்தத்தில் மாதம் தவிர்த்தக் கவிதை இது என்ன?	189	குரங்கு
190	இதற்கு கையுண்டு பெயரிலும் கையுண்டு மொத்தத்தில் சூரியத்தலை சேர்த்த பெண்கள் உடை	190	இரவிக்கை
191	முதலெழுத்து தமிழின் அடுத்த எழுத்து கடை மூன்று சேர்ந்தால் ஒரு எண்ணிக்கை மொத்தத்தில் இது வருமுன் எச்சரிக்கைத் தேவை	191	ஆபத்து
192	முதலிரண்டில் காட்சி, முதல் மூன்றால் பெயர் விளித்தல் கடை இரண்டில் தலையெழுத்து மாறிய சோதிடம் மொத்தத்தில் பிரதிபலிக்கும்	192	கண்ணாடி
193	முதல் இரண்டை இழந்தால் ஒளி இல்லை. கடை இரண்டை ஐந்தறிவு ஜீவனுக்கு கட்டுவது யார்? இரண்டும் மூன்றும் திரும்பினால் கடைசியில் நாமும் அதுவே. முதலும் கடையும் சேர்ந்தால் கை இழந்த பெண். மொத்தத்தில் அழகிய பெயராகவும் இருக்கும் நான் யார்?	193	கண்மணி
194	முதல் இரண்டு பொது இடங்களில் தடை. இரண்டு யாவர்க்கும் இரண்டு. இரண்டு நீங்கின் சற்றே ஓசை மாறிய மொருமொரு தின்பண்டம். சிறுவர்களுக்கு மிக பிடிக்கும். மொத்தத்தில் நினைவுகளாய் இருக்கும் இது என்ன?	194	புகைப்படம்
195	முதலோடு கடை சேர்ந்தால் மேல் பகுதி. முதலோடு மூன்றை சேர்த்தால் செல்வம். இச்செல்வம் கொண்டு கடை மூன்றை ஓட்டவும் செய்யலாம்.	195	மாட்டு வண்டி
196	முதலோடு நான்கும் மூன்றும் சேரின் நாவில் எச்சில் ஊறும் பிஞ்சு காய். மொத்தத்தில் இது இல்லாத கிராமம் இல்லை. அது என்ன?	196	மாட்டு வண்டி
197	ஐந்தில் நான்காவது நீங்கின் புதியது. முதல் மூன்றோடு மதம் சேரின் மற்றுமொரு மதம். மூன்றும் நான்கும் பொருள் தராது. இரண்டும் இரட்டை கிளவியானால் தீப்பொறி பறக்கும்; எரியாது. கையிலே பிடித்தால் சுடாது. அது என்ன ?	197	மின்மினி பூச்சி
198	வெள்ளைக் கத்திரிக்காய், கள்ளக் கூச்சல் போடுது அது என்ன ?	198	சங்கு
199	கொதிக்கும் கிணற்றில் குதிப்பானாம்; கூச்சல் இல்லாமல் குளிப்பானாம். அவன் யார்?	199	அகப்பை அல்லது கரண்டி
200	கத்திபோல் இலை இருக்கும் கவரிமான் பூப்பூக்கும்; தின்னப்பழம் பழுக்கும், தின்னாத காய் காய்க்கும். அது என்ன?	200	வேப்பமரம்
201	செக்கச் சிவந்திருப்பாள்; செவ்வாழை போல் இருப்பாள்; வாலும் முளைத்திருப்பாள்; வந்திருப்பாள் சந்தையிலே. அவள் யார்?	201	மிளகாய்
202	பாலாற்றின் நடுவே கறுப்பு மீன் தெரியுது அது என்ன?	202	கண்கள்
203	அழகான பெண்ணுக்கு அதிசயமான வியாதி. பாதிநாள் குறைவாள்; பாதிநாள் வளர்வாள். அது என்ன?	203	நிலா
204	ஆலமரம் தூங்க; அவனியெல்லாம் தூங்க; சீரங்கம் தூங்க; திருப்பாற்கடல் தூங்க; ஒருவன் மட்டும் தூங்கவில்லை. அவன் யார்?	204	மூச்சு
205	ஒல்லியான மனிதன்; ஒரே காது மனிதன்; அவன் காது போனால்; ஏது பயன்? அவன் யார்?	205	தையல் ஊசி
206	முதலின்றி அழகி, நடுவின்றி அரை, கடையின்றி வெறுஞ்சொல், கவிதை சொன்ன இவர் யார்?	206	பாரதி
207	முதலின்றி போதை, நடுவின்றி வெடிக்கும், கடையின்றி வெறுஞ்சொல், மொத்தமான இந்தச்சுமை என்ன?	207	பாரம்
208	முதலிழந்தால் ஓடும், முதலிரண்டு இன்றி தீம்புகை, இரண்டோடு கடை சேரின் போதையாம், நான்கில் நளினம் காட்டும் இது என்ன?	208	பரதம்
209	நடுவழிய ஓய்வுக்காம், கடையிரண்டில் ஏதுமில்லை சொல், மூன்றெழுத்தில் உடுத்தலாம், மொத்தத்தில் பெண்கள் விருப்பம், அது என்ன?	209	பட்டு
210	கடை மூன்றில் தண்நிழலும், கடையிரண்டால் போதை வரும், முதலிரண்டு ஓய்விற்க்காகும், முதலோடு கடை சேரின் வெடிக்கும், முதலோடு கடையிரண்டு சுமையாம், மொத்தமாய் என்னவென்று சொல்லுங்க?	210	பாய்மரம்
211	கடையெழுத்து மாறிடில் தின்னலாம், முதலும் கடையும் சேர்ந்தால் குளிரும், மொத்தத்தில் முருகன் இடம், தெரிந்தவர் சொல்லுங்கள் இங்கே?	211	பழனி
212	மொத்தத்தில் இரண்டு வார்த்தை, மொத்தமாய் அழகணி முதலெழுத்தோடு கடை சேர வல்லின மார்கழிக்குளுமை முதலும் நான்கைந்தும் இருகைகளில்	212	பணி(பனி)
213	கடைசி வார்த்தையில் மானம் உண்டு, முதல் வார்த்தையின் மென்மைக்காக இறந்தன பூச்சிகள் காஞ்சியில். நான் யார்?	213	பட்டுத்துணி
214	முதலும் கடையும் சேர்ந்தால் விநாயக விருப்பம், முதலோடு கடையிரண்டு சேர்ந்தால் ஓசை மாறிய பெருங்காற்று, முதலோடு மூன்று சேர அறுசுவைக்குள் ஒன்று, இரண்டு வார்த்தையாக்கினால், முதல் வார்த்தையில் முக்கியமானவர், இரண்டாம் வார்த்தை பாம்பெதிரி, மொத்தத்தில் அழகுப் பறவை, நான் யார்?	214	புள்ளிமயில்
215	முதலோடு கடை சேரினும், அன்றில் கடையிரண்டும், குன்றின் அடுத்த வடிவம், முதல் நான்கின் கடையில் புள்ளியிழந்த நிலவகை, நடுவோடு கடை சேர கழுத்துக்கு மேல் போகும், மொத்தத்தில் முருகனிடம் சரணடைவோம்!	215	மருதமலை
216	கடையிரண்டால் குழந்தை வெறுப்பு, சிலதை திங்கலாம், முதலிரண்டு ஓசை மாறிய திருவிழா, மொத்தமாய் புரியாமல் இருக்கும் நான்யார்?	216	விளங்காய்
217	முதலோடுகடை சேர்ந்தால் "தா", கடை இரண்டால் ஏற்றம், நடுவிலே பலவும் திணிக்கலாம், மொத்தத்தில் கோழிக்கு பிடித்த இடம், அது என்ன?	217	குப்பைமேடு
218	இது வந்தால் பேச்சுக் குறையும், முதலிரண்டின் தூய்மை முக்கியம், கடையிரண்டால் அழுகை வரும், முதலும் கடையும் சேர்ந்தால் ஆடு கோழிக்கு ஆபத்து முதலெழுத்தில் கால் சேர்த்து அடுத்ததோடு சேர்த்தால் தேநீர்க்கு உதவும், அது என்ன?	218	பல்வலி
219	பறிக்கப் பறிக்க பெரிதாகும்! - அது என்ன?	219	குழி
220	ஒரு கிணற்றில் ஓரே தவளை! - அது என்ன?	220	நாக்கு
221	ஒன்பது பிள்ளைக்கு ஒரே ஒரு குடுமி அது என்ன?	221	பூண்டு
222	கொத்தரோ,தச்சரோ,கட்டாத கோபுரம் சின்னதாய் இருக்கும் சித்திரக்கோபுரம் அது என்ன?	222	கறையான் புற்று
223	அள்ள முடியும்; ஆனால் கிள்ள முடியாது - அது என்ன?	223	தண்ணீர்
224	அள்ளவும் முடியாது; கிள்ளவும் முடியாது - அது என்ன?	224	காற்று
225	ஏழை படுக்கும் பாய்; எடுத்துச் சுருட்ட ஆள் இல்லை? - அது என்ன?	225
226	பொழுது சாய்ந்தால் பூந்தோட்டம்; விடிந்து பார்த்தால் வெறுந் தோட்டம்... - அது என்ன?	226	நட்சத்திரங்கள் / வானம்
227	தாளைக் கொடுத்தால் தின்னும்; தண்ணீர் குடித்தால் மடியும். - அது என்ன?	227	நெருப்பு
228	பக்கத்திலுள்ள பட்டணத்தைப் பார்க்க முடியவில்லை. - அது என்ன?	228	முதுகு
229	நூல் நூற்கும்; இராட்டை அல்ல, வலை பின்னும்; தறியும் அல்ல - அது எது?	229	சிலந்தி
230	வட்டக் குளத்திலே மீன் வந்து மேயுது; ஈட்டியாலே குத்தி எடுத்து வாயில் போடு! - அது என்ன?	230	வடை
231	காட்டுக்குப் போனேன்; இரண்டு விறகு கொண்டு வந்தேன்; பகலிலே ஒன்று, இரவிலே ஒன்று எரித்தேன். - அது என்ன?	231	சூரியன் சந்திரன்
232	மணி அடித்தால் மலைப்பாம்பு நகரும். - அது என்ன?	232	இரயில்
233	சுருக்கென்று குத்தும் முள்; பொறுக்க முடியாது - அது என்ன?	233	தேள்
234	மாவிலே பழுத்த பழம்; மக்கள் விரும்பும் பழம். அது என்ன?	234	அப்பளம்
235	குண்டோதரன் வயிற்றிலே, குள்ளன் நுழைகிறான். - அவன் யார்?	235	பூட்டும் சாவியும்
236	கண் சிமிட்டும் ஒன்று; மணி அடிக்கும் மற்றொன்று; கண்ணீர் வடிக்கும் இன்னொன்று. - அது என்ன?	236	மின்னல், இடி, மழை
237	பார்த்ததோ இரண்டு பேர், எடுத்ததோ பத்துப் பேர், ருசி பார்த்ததோ ஒருத்தன். - அவன் யார்?	237	கண்கள், கைவிரல்கள். நாக்கு
238	காகிதத்தை கண்டால் கண்ணீர் விடுவாள்; முக்காடு போட்டால் சொக்காயில் தொங்குவாள். - அவள் யார்?	238	பேனா
239	மூட்டை தூக்கி முத்தையன் நத்தையல்ல; தண்ணீரில் இருக்கும் தத்தையன் தவளையல்ல. - அவன் யார்?	239	ஆமை
240	சுருங்கினால் எனக்கு அவன் அடக்கம்; விரிந்தால் நான் அவனுக்கு அடக்கம். - அவன் யார்?	240	குடை
241	கால் உண்டு; நடக்க மாட்டான். முதுகு உண்டு; வளைக்க மாட்டான். கை உண்டு; மடக்க மாட்டான். - அவன் யார்?	241	நாற்காலி
242	இதயம் போல் துடிப்பிருக்கும்; இரவு பகல் விழித்திருக்கும். - அது என்ன?	242	கடிகாரம்
243	கன்னங்கரிய அரங்கத்தில் வெள்ளைப்பந்து விளையாடும். - அது என்ன?	243	கரும்பலகையும் சாக்பிஸ்ஸும்
244	எத்தனை தடவை திறந்து முடினாலும் சின்னச் சத்தம் கூட தராத கதவுகள். - அது என்ன?	244	கண்
245	கையில்லாமல் நீந்துவான்; கால் இல்லாமல் ஓடுவான். - அவன் யார்?	245	படகு, கப்பல்
246	ஓகோ மரத்திலே, உச்சாணிக் கிளையிலே, ஓட்டுச் சட்டியிலே களிமண் இருக்கிறது. - அது என்ன?	246	விளாம்பழம்
247	ஒரு ஊருக்கு ஐந்து வழி - அது என்ன?	247	உள்ளங்கை
248	காட்டுக்குள்ளே நெல் விதைத்தேன்; காக்காய்ம் தின்னவில்லை; குருவியும் தின்னவில்லை - அது என்ன?	248	உப்பு
249	இத்தனூண்டு சித்தாளுக்கு, ஏழு சுற்றுக் கண்டாங்கி - அது யார்?	249	வெங்காயம்
250	உப்பை உண்டவன் உறங்காமல் அலைகிறான் - அவன் யார்?	250	கடல்
251	நூல் இல்லை; ஊசி உண்டு; வாயில்லை; பாட்டுப்பாடும் - அது என்ன?	251	கிராமபோன்
252	மரத்திற்கு மரம் தாவுவான்; குரங்கு அல்ல. பட்டை அடித்திருப்பான்; சாமியாரல்லன். - அவன் யார்?	252	அணில்
253	பார்ப்பதற்கு ஐந்து கால்; எண்ணுவதற்கு நான்கு கால் - அது யார்?	253	யானை
254	முத்து முத்துத் தோரணம்; தரையில் விழுந்து ஓடுது - அது என்ன?	254	மழை
255	கழுத்துண்டு; கையில்லை. நாக்குண்டு; பேச்சில்லை. வாயுண்டு; அசைவில்லை. தொப்பியுண்டு; தலைமயிர் இல்லை. - அது என்ன?	255	மை விட்டு எழுதும் பேனா
256	அப்பன் சொறியன்; ஆத்தாள் சடைச்சி; அண்ணன் முழியன்; நானோ சக்கரைக்கட்டி. - அது என்ன?	256	பலாப் பழம்
257	கோயிலுக்குப் போனேன்; கும்பிடு போட்டேன். பூவில்லாத இலையைப் போற்றி வைத்தேன். பழுக்காத காயைப் பணிந்து வைத்தேன். விதையில்லாக் கணியை வேண்டி வைத்தேன் - அவர்கள் யார்?	257	வெற்றிலை, தேங்காய், வாழைப்பழம்
258	நெற்றியிலே கண்ணுடையான் கருப்பண்ணன். நெருப்பைத் திண்பான்; நீரும் குடிப்பான் - அவன் யார்?	258	இரயில்
259	ஓடையில் ஓடாத நீர், ஒருவரும் குடிக்காத நீர் - அது என்ன?	259	கண்ணீர்
260	ஆயிரம் குழந்தைகட்டு, அரைஞாண் ஒன்று - அது என்ன?	260	துடைப்பம்
261	பாத்தி சிறு பாத்தி; பாய்வது கரு நீர்; வேரோ வெள்ளை வேர்; பூவோ செம்பூ - அது என்ன?	261	விளக்கு
262	வளைக்க முடியும்; ஒடிக்க முடியாது - அது என்ன?	262	தலைமுடி
263	கறுப்புப் பாறையில் வெள்ளைப் பிறை - அது என்ன?	263	யானை
264	வெள்ளை மாடு; வாலால் குடிக்குது - அது என்ன?	264	விளக்குத்திரி
265	உதைத்தாலும் அடித்தாலும், ஒன்றாக இருக்கும் - அது என்ன?	265	தண்ணீர்
266	பச்சைப் பெட்டியில் பத்துச் சரம்; எடுத்துப் பார்க்கலாம் - ஆனால் தொடுத்துப் போட முடியாது - அது என்ன?	266	வெண்டைக்காய்
267	நாலு மூலைச் சதுரப் பெட்டி - அதன் மேலே ஒடுமாம் குதிரைக் குட்டி! அது என்ன?	267	அம்மியும் அரைக்கும் கல்லும்/குழவியும்
268	நாலு உலக்கை குத்திவர, இரண்டு முறம் புடைத்து வர, துடுப்புத் துளாவி வர, துரை மக்கள் ஏறிவர. - அது என்ன?	268	யானை
269	இந்தப் பிள்ளை பெரியவனானால், படிக்காமலே பலன் தருவான்! - அவன் யார்?	269	தென்னம்பிள்ளை
270	உயிர் இல்லாப் பறவை; உலகைச் சுற்றி வருது! - அது என்ன?	270	ஆகாய விமானம்
271	இருந்தாலும், பறந்தாலும், இறந்தாலும் இறக்கை மடக்காத பறவை - அது என்ன பறவை?	271	தட்டான் பூச்சி
272	நீலக்கடலிலே பஞ்சு மிதக்குது. - அது என்ன?	272	நீல வானின் மேகம்
273	எட்டாத தூரத்தில் தொட்டில் கட்டி ஆடுது! - அது என்ன?	273	தூக்கணாங்குருவிக்கூடு
274	ஒரு அகப்பை மாவாலே, ஊரெல்லாம் கல்யாணம்! - அது என்ன?	274
275	ஆழக் குழி தோண்டி, அதில் ஒரு முட்டையிட்டு, அண்ணாந்து பார்த்தால் தொண்ணூறு முட்டை. - அது என்ன?	275	தென்னை மரம்
276	கட கடா குடு குடு; நடுவிலே பள்ளம். - அது என்ன?	276	ஆட்டுக்கல்
277	இட்டேன்; எடுக்க முடியவில்லை. பூசினேன்; பிடமுடியவில்லை. - அது என்ன?	277	கோலம்
278	காய்த்த மரத்திலே கல் எடுத்துப் போட்டால், காவல்காரப் பையன் கோபப்பட்டு வருவான். - அவன் யார்?	278	தேனீ
279	நாலு மூலை நாடகசாலை; நடுவிலிருக்கும் பாடகசாலை; ஆடும் பெண்கள் பதினாறு; ஆட்டி வைப்பவர் இரண்டுபேர். - அது என்ன?	279	தாயம் விளையாட்டு
280	பிறக்கும் போது சுருண்டிருப்பாள்; பிறந்த பின்னர் விரிந்திருப்பாள். - அவள் யார்?	280	வாழையிலை
281	குட்டி போடும்; ஆனால் எட்டப் பறக்கும் - அது என்ன?	281	வெளவால்
282	தூணிலும் இருப்பான், துரும்பிலும் இருப்பான் தொட்டால் போது; ஒட்டிக் கொள்வான். - அவன் யார்?	282	சிலந்தி வலை
283	ஓடிப் படர்வேன்; கொடியல்ல. ஒளிமிக உண்டு; நிலவல்ல. மனைகளை அலங்கரிப்பேன்; மலரும் அல்ல. - அது என்ன?	283	மின்சாரம்
284	செடியில் விளையாத பஞ்சு; தறியில் நூற்காத நூல்; கையில் தொடாத துணி! - அது என்ன?	284	ஒட்டடை
285	உச்சியில் குடுமி உண்டு; மனிதனல்லன், உடம்பெல்லாம் உரோமமுண்டு; குரங்குமல்லன், உருண்டை விழி மூன்றுண்டு; சிவனுமல்லன் - அவன் யார்?	285	தேங்காய்
286	காலும் இல்லை; கையும் இல்லை; காடும் மலையும் நெடுகச் செல்வான். அவன் யார்?	286	பாதை
287	இரவல் கிடைக்காது; இரவில் கிடைக்கும். - அது என்ன?	287	தூக்கம்
288	வெள்ளை வயலிலே கறுப்புவிதை. கண்ணால் பார்த்தேன்; கையால் எடுக்க முடியவில்லை! - அது என்ன?	288	புத்தகம்
289	நெருப்பிலே சுட்ட மனிதனுக்கு நீண்ட நாள் வாழ்வு. - அது யாரு?	289	செங்கல்
290	பச்சை பாம்பு கல்லைத் தூக்குது! - இது என்ன?	290	புடலங்காய்
291	மொட்டைத் தாத்தாத் தலையிலே இரட்டைப் பிளவு! - அது யாரு?	291	பட்டாணி
292	எங்கள் ஆயாள் வீட்டுத் தோட்டத்திலே பத்து வாழை மரங்கள் - அவைகளை ஆட்டினாலும் ஆட்டலாம்; பிடுங்க முடியாது. - அவை என்ன?	292	10 விரல்கள்
293	இந்த ஊரிலே அடிபட்டவன்; அடுத்த ஊரிலே போய்ச் சொல்கிறான். - அவன் யார்?	293	தபால்
294	இரவும் பகலும் ஓய்வில்லை; அவன் படுத்தால் எழுப்ப ஆள் இல்லை. - அவன் யார்?	294	இதயம்
295	அண்ணன் மத்தளம் கொட்ட, தங்கை விளக்குக் காட்ட, அம்மா தண்ணீர் தெளிக்கிறாள் - அவர்கள் யார்?	295	இடி , மின்னல் ,மழை
296	அம்மான் வீட்டுத் தோட்டத்திலே, பட்டாக்கத்தி தொங்குது. - அது என்ன?	296	அவரைக்காய்
297	கிண்ணம் போல் - பூ பூக்கும் கிள்ளி முடிக்க முடியாது... - அது என்ன பூ?	297	ஊமத்தம் பூ
298	ஒற்றைக்கால் கறுப்பனுக்கு எட்டுக் கை! - அது என்ன?	298	குடை
299	இதயம் போல் துடிப்பிருக்கும்; இரவு பகல் விழித்திருக்கும்! - அது என்ன?	299	குடை
300	அடர்ந்த காட்டின் நடுவிலே ஒரு பாதை.... - அது என்ன?	300	கடிகாரம்
301	ஆற்று மணலை அள்ளித் தின்போம்; நாங்கள் ஒரு சாதி. வெள்ளைக் கல்லை உடைத்துத் தின்போம்; நாங்கள் ஒரு சாதி. ஓணானை போல் உரித்துத் தின்போம்;	301	தலையில் முடிகளிடையே உச்சி வகிடு எடுப்பது
302	நாங்கள் ஒரு சாதி - இவுங்க யாரு?	302	சர்க்கரை, கற்கண்டு, வாழைப்பழம்
303	எட்டுக்கால் ஊன்றி; இருகால் படமெடுத்து; வட்டக் குடை பிடித்து வருகிறார் துரை மகனார்........ - இவர் யார்?	303	நண்டு
304	விரிந்த ஏரியிலே வெள்ளோட்டம் மிதக்குது! - அது என்ன?	304	நிலா
305	பகலில் துயிலுவான்; இரவில் அலறுவான்......... அவன் யார்?	305	ஆந்தை
306	மஞ்சள் குருவி நெஞ்சைப் பிளந்து மகாதேவனுக்கு பூசை ஆகுது! - அது என்ன?	306	வாழைப்பழம்
307	பள்ளிக்கூடம் போகிற பாப்பாவுக்குக் கையிலே ஒரு டை; தலையிலே ஒரு டை. - அது என்ன?	307	குடை, சடை
308	பரட்டைத்தலை மாமியாருக்குப் பவளம் போல் மருமகள்! - அவள் யார்?	308	அத்திப்பழம்
309	வெள்ளைக் கொல்லை; கறுப்பு விதை. கை விதைக்கும்; வாய் கொறிக்கும். - அது என்ன?	309	கரும்பலகை
310	அமைதியான பையன்; அடிக்காமல் அழுவான். அவன் யார்?	310	அலாரம்
311	இலை இல்லை; பூ இல்லை; கொடி உண்டு. அது என்ன?	311	துணி போடும் கொடி
312	அதிவேகக் குதிரை, ஆடியபடி செ‌ல்லு‌ம் கு‌திரை போ‌ட்ட கோ‌ட்டை‌த் தா‌ண்டாம‌ல் ஓடு‌ம் அது என்ன?	312	இரயில் வண்டி
313	எங்வக அ‌‌ம்மா போ‌ட்ட ‌சி‌க்கலை யாராலு‌ம் ‌பி‌ரி‌க்க முடியாது அது என்ன?	313	சடை பின்னல் அல்லது இடியப்பம்
314	ஒரே வ‌யி‌ற்‌றி‌ல் வா‌ழ்‌ந்தாலு‌ம் ஒரு பிள்ளை ஓடுவான், மற்றவன் நடப்பான். அது என்யன?	314	கடிகார முள்
315	உருளும் வீட்டைச் சுற்றி கருப்பு வேலி. அது என்ன?	315	சாலை
316	இவ‌ன் வலை ‌பி‌ன்‌னுவா‌ன் ஆனா‌ல் மீ‌ன் ‌பிடி‌க்க மா‌ட்டா‌ன் அவ‌ன் யார்?	316	சிலந்தி